PDF - 2.9 MB
Sentencia de la Audiencia Nacional sobre la nuclear de Garoña

La sentencia otorga al Ministeriu d'Industria y al Gobiernu la potestá de decidir sobre'l zarru de les centrales nucleares cuando expira el so permisu d'esplotación. Ecoloxistes n'Acción, Greenpeace y la Confederación Xeneral del Trabayu, los trés organizaciones que ciscaben el zarru inmediatu nel procedimientu, celebren el non allongamientu de Garoña hasta'l 2019 y pide al Gobiernu y al Ministru d'Industria l'establecimientu d'un calendariu de zarru del restu del parque nuclear español (otres 7 centrales nucleares), una y bones esta sentencia otorgar potestá pa tal cosa.

El Tribunal tornó tolos recursos interpuestos contra la decisión del Gobiernu de proceder al zarru de la central nuclear de Santa María de Garoña (Burgos) en 2013, tantu los de la empresa propietaria Nuclenor, que pretendía que la central funcionara hasta 2019, como les de les asociaciones ambientalistas Ecoloxistes n'Acción y Greenpeace, y l'organización sindical CGT, que ciscaben el zarru inmediatu. La sentencia, amás, ratifica'l non otorgamiento de nenguna indemnización.

Na sentencia producióse amás un votu particular que reconoz la vulneración alegada poles trés organizaciones de que na aprobación de la orde ministerial nun respetó la Llei 27/2006 que reconoz el derechu a una participación pública real y efectiva.

Pa Ecoloxistes n'Acción, Greenpeace y CGT esta sentencia otorga potestá al Gobiernu pa proceder al zarru de les centrales nucleares cuando expira la so autorización d'esplotación, cuidao que bastaría con nun anovala. En particular, les organizaciones ecoloxistes soliciten que nun s'anueve'l permisu d'esplotación de la central de Ascó I (Tarragona) que expira el día 1 d'ochobre. Amás, soliciten del Gobiernu l'establecimientu d'un calendariu de zarru según vaigan expirando estos permisos.

Les organizaciones ecoloxistes celebren el que Garoña nun siga funcionando hasta 2019, como pretendía Nuclenor y la Xunta de Castiella y Llión, USO y UGT, ente otros, lo que sería una temeridá pero pregunten porqué déxase-y siguir funcionando na actualidá colos sistemes de seguridá bien degradaos y colos graves problemes de contaminación térmica que ta produciendo nel ríu Ebro (frayando l'autorización d'arramáu de la Confederación Hidrográfica del Ebro). El mesmu Conseyu de Seguridá Nuclear (CSN) reconoz nos sos dictames la esistencia de numberosos elementos severamente degradaos y la necesidá d'atacar una serie d'arreglos pa siguir funcionando. El CSN reconoz la necesidá d'arreglos n'elementos tan vitales como'l sistema de protección contra quemes, el cambéu de cientos de metros de cables, o l'aislamientu de la sala de control

Curtiu resume de la sentencia
- Confírmase la Orde Ministerial qu'alcuerda'l cese definitivu de la central nuclear de Santa María de Garoña el 6 de xunetu de 2013 y la so esplotación hasta esa fecha.
- Nun s'han infringido trámites esenciales del procedimientu na so ellaboración: audiencia a la Comunidá Autónoma y validez del segundu informe del Conseyu de Seguridá Nuclear.
- A tenor de la lexislación vixente nun ye necesariu someter el pronunciamientu a Evaluación d'Impactu Medioambiental y tampoco s'incumplen los derechos d'información y participación ciudadana.
- Orde Ministerial abondo motivada y na qu'intervinieron lexítimes razones de política enerxética del Gobiernu, polo que nin ye arbitraria nin incurre n'esviación de poder.
- Non se infringen los derechos constitucionales d'igualdá y llibertá d'empresa.
- Improcedencia de la indemnización pretendida por Nuclenor.